بسم الله نبدأ في اول دروس كورس بايثون من الصفر و حتي الاحتراف و في درس اليوم هنتكلم عن لغه بايثون و كيفية تجهيز بيئه العمل و الشروع في كتابه اول كود بلغة بايثون .
اولا بايثون هي لغه برمجيه كائنية التوجه و نقدر نبسط شرح كائنية التوجه بتعريف بسيط و هو ان دا اسلوب برمجي معين بيعتمد علي كتابة الكود فيما يسمي بالدوال و الدوال دي بتكون تابعه لشئ يسمي بال class , و دي حاجه بتسهل علينا شغلنا فيما بعد لان كدا بنضمن اننا ما نكتبش الكود اكتر من مره فمثلا نفترض اننا كتبنا كود بيقوم بعمليه جمع رقمين ف بنحط الكود دا جوا داله عشان لو احتجنا نفس الكود دا بعدين ما نضطرش نكتب الكود من جديد بنكتب فقط اسم الداله و دا بينجزلنا الوقت و الجهد .
ثانيا بايثون لغه مرنه بمعني انها لغه بتستخدم في جميع المجالات الممكنه مثلا لو انت حابب الاندرويد بتوفرلك بيئه خاصه بتطوير الاندرويد لو بتحب الامن السيبراني فهي لغه اساسيه في المسار دا لو بتحب برمجة الويب فهتلاقيها لغه غنيه جدا في الويب لو بتحب الاتمتة فهتوفرلك مكتبات كتير جدا تقدر تنجز بيها شغلك و لو تفكيرك راح لمجال الصناعه فهي لغه اساسيه في تطوير الروبوتات بكل انواعها الطبيه منها و العسكريه و حتي بتدخل في البرمجه الخاصه بالصواريخ الخلاصه ان مهما كان اهتمامك او ميولك فبايثون هتقدملك كل حاجه محتاجها.
تجهيز بيئة العمل :
تقدر تسطب لعة بايثون الاول من خلال اللينك دا python هتطلعلك الصفحه دي :
بعد كدا هنضغط علي Download و نحمل اخر اصدار بالشكل دا :
ولكدا هنكون حملنا بايثون و تبدأ انك تسطبها عادي جدا و بتنزل بالمحرر الخاص بيها و اللي تقدر تستبدله بأي محرر تاني افضل زي VScode او Pycharm و اللي هسيبلك لينك تحميلهم في اخر المقاله .
و بكدا نكون خلصنا اول درس من لغة بايثون و نشوفكوا في الدرس التاني ان شاء الله.
استمر
ردحذف